Kryeministri i Izraelit, Benjamin Netanyahu, ka urdhëruar sulme ndaj periferive jugore të kryeqytetit të Libanit, Beirut, ndërsa konflikti me grupin e armatosur Hezbollah vazhdon të përshkallëzohet.
Netanyahu deklaroi se do të goditen “objektiva terroriste” në zonën Dahieh, si përgjigje ndaj sulmeve kundër civilëve izraelitë dhe shkeljeve të tjera të armëpushimit të ndërmjetësuar nga SHBA-ja, i shpallur në prill, por që nuk ka arritur t’i japë fund luftimeve.
Një zyrtar i lartë i qeverisë libaneze i tha BBC-së se Libani po mbështetet te përpjekjet ndërmjetësuese të SHBA-së për të ushtruar presion ndaj Izraelit që të ndalojë shkeljet e veta dhe të shmangë viktima të tjera civile.
Të dielën, Sekretari amerikan i Shtetit, Marco Rubio, zhvilloi biseda me Netanyahun dhe presidentin e Libanit, Joseph Aoun.
