Një modele gjermane, e zhdukur prej gati 11 vitesh, është përmendur në Dosjet Epstein, duke rritur frikën e familjes së saj për fatin që mund ta ketë pësuar.
Gruaja, e identifikuar vetëm si “Michele”, u largua nga shtëpia e familjes së saj në shtator të vitit 2015, kur ishte 22 vjeçe, dhe që atëherë nuk është dëgjuar më asgjë për të.
Ajo kishte qenë për një kohë të gjatë në kontakt me një rekrutues modelesh të quajtur Daniel Siad, i cili kishte lidhje me kriminelin seksual të dënuar Jeffrey Epstein.
Michele kishte kaluar kohë në Dubai dhe në vende të tjera ndërkombëtare.
Sipas Dosjeve Epstein, Siad i kishte dërguar të paktën dy mesazhe Epstein-it në vitin 2014, një vit para zhdukjes së saj.
Der Spiegel thekson se nuk ka asnjë provë që Michele të ketë takuar ndonjëherë milionerin.
Familja e Michele-s është e dëshpëruar për të gjetur sërish vajzën e tyre, ndërsa prindërit treguan se ajo kishte ëndrruar të bëhej modele që në adoleshencë.
Pas disa vitesh në këto rrethana, Michele u zhduk pa lënë gjurmë dhe që atëherë familja e saj nuk ka pasur më asnjë kontakt me të.
Burimi origjinal i informacionit: telegrafi.com
