Një nga 63 minatorët që kanë mbetur të ngujuar sonte në horizontin e 11-të të minierës së Trepçës ka folur për situatën aktuale.
Ai shpjegoi se kjo është hera e tretë që përjeton një ngjarje të tillë, duke theksuar se gjendja shëndetësore e minatorëve është e mirë. “Ende janë duke dalë, sepse kemi lënë kolegë që duke ardhur dhe dalin kohë pas kohe.
Ata që e ndjejnë veten fizikisht të fortë, ata ma merr mendja që dalin.
Për disa mendoj që është shumë telashe të dalin”, tha ai.
Minatori gjithashtu theksoi se, ndonëse gjendja shëndetësore ka qenë e mirë, ajri në minierë po bëhet gjithnjë e më i vështirë për të marrë. “Ka panik, është hera e tretë që ngujohem në minierë, po shtohet panika dhe stresi.
Kam qëndruar afër dy orë e gjysmë, me pauza, në çdo horizont kemi pushuar”, përfundoi ai.
Burimi origjinal i informacionit: zeri .info
