Lumir Abdixhiku: Investime prej 1.5 miliardë euro në Prishtinë

Kandidati për Kryeministër nga Lidhja Demokratike e Kosovës, Lumir Abdixhiku, tha se atmosfera në tubimin në Hajvali të Prishtinës ishte e flakët, plot entuziazëm, energji dhe pritje të mirë.

Në këtë event, ai premtoi investime në vlerë prej 1.5 miliardë euro për Kryeqytetin. ‘Sonte, u zotuam edhe për 1.5 miliardë euro investime në Kryeqytet; për infrastrukturë moderne, mësim tërëditor, shëndetësi më të mirë dhe projekte që e bëjnë jetën më të dinjitetshme për secilin qytetar të Prishtinës,’ ka shkruar Abdixhiku.