Deputeti i Aleancës, Burim Ramadani, ka shprehur shqetësimin e tij për kushtet me të cilat përballen policët në përditshmërinë e tyre.
Në një postim në Facebook, ai ka theksuar rëndësinë e diskutimit publik mbi këto çështje.
Ramadani ka bërë disa pyetje thelbësore: a kanë stacionet policore fotokopje, a janë uniformat e policëve të mjaftueshme, a kanë ata pajisje individuale të nevojshme dhe nëse posedojnë automjete funksionale për patrullim. “Hajde flasim për kushtet reale të policëve së pari!
Në këtë periudhë është e nevojshme të flasim se a kanë fotokopje në stacionet policore, a kanë uniforma mjaftueshëm policët, a kanë pajisje individuale të domosdoshme, a kanë vetura funksionale, pse komunat duhet t’i huazojnë vetura policëve për patrullim, qysh shkojnë policët në punë apo duhet të shkojnë me autostop!
Kjo është thirrje që fokusi dhe diskutimi të jenë për kushtet reale dhe mjaft të rënda me të cilat përballen policët në përditshmërinë e tyre”, shkroi Ramadani.
Burimi origjinal i informacionit: zeri .info
