Kompania Rajonale e Ujësjellësit “Prishtina” ka lëshuar paralajmërime për konsumatorët e shtatë komunave, duke u ofruar atyre një afat prej 10 ditësh për t’i paguar faturat e ujit.
Në rast se konsumatorët nuk e përmbushin këtë detyrim, ata do të përballen me ndërprerjen e furnizimit me ujë.
Përmes njoftimeve të veçanta, KRU “Prishtina” ka bërë të ditur se konsumatorët e komunave të Prishtinës, Lipjanit, Graçanicës, Fushë Kosovës, Podujevës, Shtimes, Drenasit dhe Obiliqit duhet t’i kryejnë pagesat brenda këtij afati të caktuar.
Në njoftimin drejtuar konsumatorëve të Lipjanit, kompania ka njoftuar se ata kanë 10 ditë kohë për të paguar faturat e ujit. “Të nderuar konsumatorë të Lipjanit, ju njoftojmë se keni 10 ditë afat për pagesën e faturave të ujit.
Pas përfundimit të këtij afati, konsumatorët që nuk i kanë shlyer obligimet e tyre do të përballen me ndërprerjen e furnizimit me ujë”, thuhet në njoftim.
Një paralajmërim të ngjashëm ka lëshuar edhe për konsumatorët e Graçanicës, ku kërkohet që obligimet për faturat e ujit të shlyhen brenda 10 ditëve. “Ju lutemi që pagesat t’i kryeni me kohë për të shmangur ndërprerjet e mundshme”, thuhet në njoftimin për konsumatorët e kësaj komune.
Edhe banorët e Fushë Kosovës janë njoftuar se kanë 10 ditë për t’i paguar faturat e ujit.
Sipas kompanisë, pas skadimit të këtij afati, ata që nuk e përmbushin detyrimin do të përballen me ndërprerje të furnizimit.
Njoftim i ngjashëm është publikuar edhe për konsumatorët e Podujevës, të cilëve u është kërkuar që t’i kryejnë pagesat me kohë për të shmangur ndërprerjet e mundshme.
KRU “Prishtina” gjithashtu ka paralajmëruar konsumatorët e Shtimes se mospagesa e faturave brenda afatit 10-ditor do të pasohet me ndërprerjen e furnizimit me ujë për ata që nuk i kanë shlyer obligimet.
Burimi origjinal i informacionit: zeri .info
