Kylie Jenner është kritikuar ashpër për fluturimin e saj 17-minutësh me avion privat, me shumë njerëz që e quajnë veprimin e saj ‘vërtet të neveritshëm’ në rrjetet sociale.
Faqja në Instagram ‘Shity should care about’ e kritikoi Jenner për fluturimin nga Camarillo në Van Nuys, Kaliforni, i cili thuhet se kushtoi rreth 3,000 dollarë (rreth 2,600 euro).
Sipas informacioneve në dispozicion, aeroplai i saj u ul jo shumë larg vendit ku parkohet zakonisht.
Vendimi shkaktoi reagime të shumta në rrjetet sociale, dhe përdoruesit lanë komente të ashpra. ‘Kjo është vërtet e neveritshme,’ shkroi një person. ‘Këta miliarderë nuk interesohen fare për planetin,’ shtoi një përdorues tjetër.
Një komentues kritikoi të pasurit për mënyrën se si i shpenzojnë paratë për ta bërë jetën e tyre më të lehtë. ‘Ata mendojnë se mund t’i përdorin paratë për të zgjidhur çdo shqetësim të vogël dhe të bëjnë çfarë të duan. Është e neveritshme.
Përdorimi i aeroplanëve privatë duhet të rregullohet,’ shkroi ai.
Një tjetër theksoi se e njëjta distancë mund të përshkohej me makinë pothuajse në të njëjtën kohë. ‘Tmerrshme.
E njëjta distancë me makinë kërkon të njëjtën sasi kohe.
Plotësisht e llastuar dhe e tepërt.
Turp,’ shkroi ai.
Gjithashtu u shfaq një koment: ‘Ajo grua nuk ka pasur kurrë një punë të vërtetë dhe as nuk ka bërë asgjë në jetën e saj’.
Megjithatë, jo të gjithë e kritikuan Jenner-in.
Disa përdorues kujtuan bllokimet e trafikut në Kaliforni. ‘Sinqerisht, ai udhëtim me makinë ndonjëherë zgjat 45 minuta, ndonjëherë tre orë,’ shkroi një përdorues.
Një tjetër komentoi shkurt: ‘Do të doja të kisha edhe unë një aeroplan privat’.
Burimi origjinal i informacionit: telegrafi .com
