Avokati i Angelina Jolie ka akuzuar Brad Pitt se po tenton ta kontrollojë aktoren dhe mënyrën se si përflitet çështja e tyre ligjore, pas një vendimi të fundit të gjykatës.
Një gjyqtar e hodhi poshtë kërkesën e Pitt për ta detyruar Jolie-n të dorëzonte të dhëna financiare për periudhën 2017–2019.
Megjithatë, kjo kërkesë mund të rikthehet nëse gjatë dëshmisë së saj dalin në pah të ardhurat ose gjendja financiare e aktores për këto vite.
Kërkesa e ekipit ligjor të Pitt lidhet me pretendimin e Jolie se pas ndarjes së tyre në vitin 2016, ajo e kishte lënë kryesisht pezull karrierën dhe kishte humbur vite të ardhurash.
Avokatët e tij pretendojnë se ajo kishte rënë dakord të dorëzonte dokumente financiare për vitet 2017–2021, por më pas kishte paraqitur dokumente vetëm për vitet 2020 dhe 2021.
Në deklaratën e tij, avokati i Jolie kritikoi kërkesat e Pitt, duke thënë se ato janë pjesë e përpjekjeve të tij për ta kontrolluar aktoren dhe rrëfimin e çështjes.
Ai argumentoi se Jolie ka kërkuar prej kohësh të shkëpusë jetën e saj personale dhe financiare nga ish-bashkëshorti.
Avokati pretendoi gjithashtu se Pitt kishte tentuar ta përdorë largimin e Jolie nga Miraval për ta shtyrë atë drejt një marrëveshjeje konfidencialiteti, e cila sipas tij do të mbulonte pretendimet për abuzim ndaj saj dhe fëmijëve.
Burimi origjinal i informacionit: telegrafi .com
