Kate Hudson dhe Javier Bardem kanë filluar xhirimet e komedisë romantike ‘Hello & Paris’ në New York, ku më 23 qershor janë filmuar skenat e para në rrugët e qytetit.
Aktorët janë parë në set gjatë pasdites, ndërsa ekipi po realizon skenat për këtë projekt që është komedi romantike.
Hudson kishte veshur një fustan me motive lulesh dhe një shall rozë, ndërsa Bardem ishte me xhaketë të çelët, këmishë të bardhë e pantallona blu. Çifti është kapur teksa shkëmbejnë një puthje pasionante, e cila është shpërndarë gjerësisht në rrjetet sociale.
Filmi ndjek një arkitekte peizazhi dhe një romancier të suksesshëm që fillojnë një marrëdhënie pas një takimi në Paris, duke shkëmbyer libra dhe receta mes dy kontinenteve.
Me zhvillimin e marrëdhënies, ata kuptojnë se zgjedhja për të mos mbetur vetëm mund të jetë më e vështirë sesa vetmia.
Filmi është nën regjinë dhe skenarin e Elizabeth Chomko dhe është frymëzuar nga romani ‘That Part Was True’ i Deborah McKinlay.
Burimi origjinal i informacionit: telegrafi .com
