Harvey Weinstein nuk do të përballet me një gjyq të katërt për përdhunim në New York, pasi prokuroria e Manhattanit ka hequr dorë nga akuza e fundit që rëndonte ndaj tij.
Vendimi u mor pasi Jessica Mann, e cila e akuzon Weinstein për përdhunim dhe ka dëshmuar në tri proceset e mëparshme gjyqësore, refuzoi të rikthehej në gjykatë për të dëshmuar sërish.
Prokurori i Manhattanit, Alvin Bragg, deklaroi se zyra e tij vazhdon t’i besojë dëshmisë së Mann dhe e falënderoi atë për guximin e treguar gjatë viteve.
Weinstein ishte dënuar fillimisht në vitin 2020 për përdhunimin e Mann dhe sulm seksual ndaj Miriam Haley, por këto vendime u rrëzuan nga Gjykata e Apelit e New Yorkut në vitin 2024.
Në rigjykimin e zhvilluar më pas, ai u shpall fajtor për sulm seksual ndaj Haley, ndërsa juria nuk arriti një vendim unanim për akuzën e përdhunimit.
Tashmë producenti i dikurshëm i Hollywood-it pritet të dënohet për veprën penale të sulmit seksual ndaj Haley, me prokurorinë që ka rekomanduar një dënim prej 20 vitesh burg.
Burimi origjinal i informacionit: telegrafi .com
