Pas një momenti viral të madh të nxitur nga seriali i Prime Video, “Off Campus”, kënga “On the Floor” e Jennifer Lopez, në bashkëpunim me Pitbull, është rikthyer në toplistat e Billboard në vendin e 117-të në Billboard Global 200 dhe në vendin e 80-të në toplistën Global Excl.
U.S.
Kënga po përjeton një rikthim të fuqishëm pas një skene sensuale ku personazhi Allie (Mika Abdalla), e veshur si Jennifer Lopez dhe personazhi Dean vallëzojnë nën ritmet e hitit të vitit 2011 në një festë Halloween-i.
Lopez iu bashkua këtij momenti në rrjetet sociale, duke bashkëpunuar me Abdalla për të rikrijuar një pjesë të skenës dhe për të kërcyer me këngën.
Kënga debuton në vendin e 117-të në Billboard Global 200, duke grumbulluar 15.1 milionë dëgjime gjatë javës së matjes. ‘On the Floor’ është një moment i rëndësishëm në historinë muzikore të Jennifer Lopez dhe Pitbull.
Kënga ishte singlli i parë nga albumi ‘LOVE?’ i Lopez, i cili debuton dhe arriti vendin e pestë në Billboard 200.
Kënga arriti vendin e dytë në toplistën Hot Latin Songs në qershor të vitit 2011.
Pitbull ka 17 këngë në Top 10 deri më sot.
Kënga është një nga 10 hitet e Lopez në Top 10 të Billboard Hot 100.
