Trajneri i Arsenalit, Mikel Arteta, ka komentuar vendimin e tij për të zëvendësuar portierin Aron Ramsdale me David Rayan.
Atëbotë kjo ishte konsideruar një lëvizje e rrezikshme pasi që Ramsdale ishte konsoliduar si portier tek Topçinjtë, por strategu spanjoll kishte ndërmarrë rrezikun gjithsesi. “Ndryshimi i portierit, nga Ramsdale te Raya, ishte i vështirë për t’u arsyetuar brenda klubit, si dhe jashtë tij, sepse ndoshta nuk bënte sens për të gjithë”, ka thënë Arteta. “Edu më pyeti nëse isha 100 për qind i sigurt.
Ai më tha që kjo gjë do të më ekspozonte, por prapë doja ta bëja një gjë të tillë”.
Kjo iu shpagua pasi Raya doli të jetë ndër figurat më vendimtare për Arsenalin në luftën drejt titullit kampion të Anglisë, gjë që e arriti pas 22 vjetësh pritje.
