Në Qendrën Emergjente të Qendrës Klinike Universitare të Kosovës (QKUK) vazhdon të jetë i lartë fluksi i pacientëve.
Sipas QKUK-së, gjatë 24 orëve të fundit ekipet mjekësore kanë ofruar gjithsej 331 shërbime emergjente.
Pacientët janë trajtuar në njësitë përkatëse: 79 pacientë në Reanimim; 111 pacientë në Emergjencën Internistike; 56 pacientë në Emergjencën Kirurgjike; 62 pacientë në Emergjencën Ortopedike.
Në Sallën e Vogël janë trajtuar 23 pacientë, të cilëve u janë ofruar shërbime për qepje, përpunim dhe pastrim të plagëve.
Mes rasteve të trajtuara janë evidentuar edhe 3 persona të përfshirë në përleshje fizike, si dhe 25 persona të lënduar në aksidente trafiku, transmeton Zeri.info.
QKUK-ja ka bërë të ditur gjithashtu se gjatë 24 orëve të fundit janë realizuar 36 pranime për trajtim në klinika të ndryshme të Qendrës Klinike Universitare të Kosovës.
Burimi origjinal i informacionit: zeri .info
