Festimi i 28-vjetorit të Epopesë së Dukagjinit në Gllogjan: Në kujtim të heronjve të luftës

Gllogjani u mbush sot me mijëra qytetarë në shënimin e 28 vjetorit të Epopesë së Dukagjinit.

Aty morën pjesë edhe shumë personalitete nga politika dhe ish-eprorë të UÇK-së si Agim Çeku, Ali Ahmeti, Ramiz Lladrovci, Xhavit Haliti, e nuk kishte si të mungonte as komandanti i Zonës Operative të Dukagjinit, Ramush Haradinaj.

Sot me krenari kujtohet lufta e atyre që i dolën përballë forcave serbe, në mbrojtje të këtij fshati.

Aty heroikisht ranë Him Haradinaj, Gazmend e Agron Mehmetaj.

Besohet se cak i sulmit të forcave armike kishte qenë shtëpia e familjes Haradinaj.