Egli Tako ka folur për eksperiencën e saj në Big Brother VIP Albania, në emisionin ‘She’s on Top’, ku ndau disa nga kujtimet që i kanë mbetur më shumë në mendje nga qëndrimi në shtëpinë më të famshme në Shqipëri.
E pyetur nga Sara Gjordeni nëse ka ndonjë moment që do të donte ta fshinte nga eksperienca e saj, Egli u shpreh se nuk do të ndryshonte asgjë. ‘Për të fshirë nuk do ta fshija asnjë moment, sepse edhe po ta fshija unë, ai ekziston në çdo arkiva.
Kështu që është e kotë të thuhet,’ deklaroi ajo.
Sa i përket momentit më të bukur, Egli kujtoi festimin e Ditës së Pavarësisë së Kosovës brenda shtëpisë së Big Brother VIP.
Sipas saj, atmosfera e asaj mbrëmjeje ishte shumë emocionuese dhe mbetet një nga kujtimet më të veçanta. ‘Ka qenë Dita e Pavarësisë së Kosovës.
Në fund të mbrëmjes, pasi kishim festuar, na vendosën muzikë patriotike dhe u futëm të gjithë në pishinë me rroba, pa mikrofona.
Atë moment e mbaj mend si një nga më të gëzueshmet.
Ishte momenti që gati më ka shpërthyer zemra,’ u shpreh Egli.
Burimi origjinal i informacionit: telegrafi .com
