Në shtëpinë e “Big Brother VIP Kosova 4” ka ndodhur një nga momentet më emocionuese të kësaj jave, pasi Vëllai i Madh i ka dhënë Dolces një mision të veçantë: t’i bindë banorët se ajo duhet të largohet nga shtëpia pas kërkesës së familjes së saj.
Dolce e realizoi misionin në mënyrë të përkryer, duke i bërë të gjithë banorët ta besojnë pa hezitim. Reagimi më i fortë erdhi nga Edi dhe Elijona, të cilët u prekën aq shumë nga lajmi, sa shpërthyen në lot.
Prej momentit kur Dolce dhe Edi shkëmbyen puthjen e parë, dyshja është bërë një nga çiftet më të komentuar të sezonit. Ata janë parë vazhdimisht të afërt dhe të pandashëm, ndaj reagimi i Edinës ishte i pritshëm dhe shumë emocional.
Ky mision nuk ishte i zakonshëm: Vëllai i Madh ia ka dhënë Dolces si pjesë të përgatitjeve të saj për një surprizë të madhe — udhëtimin e saj drejt “Grande Fratello” në Itali, ku pritet të shfaqet si e ftuar speciale.
Ndërkohë, opinionistja Olta Gixhari, gjatë diskutimit në studio, e komentoi reagimin e Edinës duke thënë:
“Burrat e vërtetë qajnë.”
Një moment që i dha edhe më shumë emocion ngjarjes dhe që u shpërnda me shpejtësi në rrjetet sociale.
