Deputeti i Partisë Demokratike të Kosovës, Eman Rrahmani, e ka cilësuar vendimin e Gjykatës Speciale në Hagë ndaj katër ish-krerëve të Ushtrisë Çlirimtare të Kosovës si një ndër goditjet më të mëdha që ka pranuar Kosova që nga paslufta.
Rrahmani u shpreh se vendimi është i padrejtë dhe se institucionet e Kosovës duhet të ndërmarrin hapa për ta kthy në drejtësi këtë padrejtësi.
Ai ka thënë se përgjegjësia për ndërmarrjen e hapave të nevojshëm u takon institucioneve të vendit, përfshirë Kuvendin, Presidencën dhe Qeverinë.
Rrahmani ka kritikuar edhe kryeministrin Albin Kurti lidhur me vizitën e tij të paralajmëruar në Shtetet e Bashkuara të Amerikës, duke thënë se çështja e vendimit të Hagës duhet të jetë pjesë e takimeve të tij.
Burimi origjinal i informacionit: zeri .info
