Deputetët e PDK-së dhe Aleancës kanë vazhduar aksionin para objektit të Qeverisë së Kosovës, duke mbështetur nga përfaqësues të institucioneve lokale, asamblistë dhe aktivistë politikë nga Skenderaj e Istogu.
Të pranishmit kanë kërkuar nga mazhoranca të marrë përgjegjësinë për funksionalizimin e institucioneve dhe vazhdimin e procesit të konstituimit të Kuvendit.
Nënkryetari i Skenderajt, Fadil Nura, tha se janë aty për të mbështetur deputetët që po mbrojnë rendin kushtetues dhe demokracinë në vend.
Kryetari i Degës së PDK-së në Istog, Ali Nimanaj, tha se kanë dalë për të mbështetur deputetët në kërkesat e tyre për mbrojtjen e rendit kushtetues dhe ligjeve të Kosovës.
Burimi origjinal i informacionit: zeri .info
