Kur u duk se romanca mes Indrit dhe Vanesës po merrte formë dhe po finalizohej brenda ‘Fermës VIP’, situata ka marrë një kthesë të papritur.
Pas puthjes së shkëmbyer mbrëmjen e djeshme, dyshja ka zhvilluar një bisedë të gjatë dhe të hapur.
Indri tha se nuk është gati për një marrëdhënie në këto kushte, ndërsa Vanesa është e gatshme të ndërpresë marrëdhënien me partnerin e saj jashtë fermës. Çdo gjë ka arsye, thotë Vanesa, ndërsa thekson se e meriton një sqarim me personin jashtë.
Ajo gjithashtu shprehet se nuk mund të vazhdojë në këtë gjendje emocionale për një muaj tjetër.
Situata saj është ‘ngarkesë’ emocionale, ndërkohë që ajo nuk mund të mbajë dikë peng jashtë dhe brenda njëkohësisht.
