Victoria Beckham ka pranuar një buqetë të madhe me lule nga bashkëshorti i saj, David Beckham, pas polemikave të fundit me komedianen Katherine Ryan.
Stylistja 52-vjeçare e ndau në Instagram buqetën e dhuruar nga David të premten, duke shprehur publikisht dashurinë për të.
Gesti i Davidit vjen pas mbështetjes që BBC i dha ankesave të dy shikuesve për një shaka të Katherine Ryan ndaj Victoria Beckham në emisionin Have I Got News For You.
Komediania kishte lidhur emrin e Victoria-s me një term veçanërisht ofendues gjatë diskutimit për një email të vjetër të David Beckham.
Njësia e Ankesave Ekzekutive të BBC-së arriti në përfundimin se përdorimi i këtij termi në lidhje me Davidin mund të justifikohej nga konteksti i diskutimit, por nuk kishte justifikim editorial për shakanë e Katherine ndaj Victoria-s.
Për këtë arsye, episodi është edituar dhe pjesa përkatëse është hequr nga iPlayer.
Burimi origjinal i informacionit: telegrafi .com
