Chris Rock ka folur për karrierën dhe për filmin e tij më të fundit, “Misty Green”, të cilin e ka shkruar, drejtuar dhe luan gjithashtu.
Filmi u prezantua në Festivalin Ndërkombëtar të Filmit në Toronto dhe pritet të dalë në kinema më 9 tetor.
Gjatë prezantimit, Rock u ndal te përvoja e tij ndër vite dhe pranoi se, sidomos si aktor, ndonjëherë nuk ka qenë mjaftueshëm strategjik në zgjedhjen e projekteve.
Ai tha se disa role apo filma mund t’i kishte menduar më gjatë përpara se t’i pranonte, duke theksuar rëndësinë e kohës së duhur për një projekt.
Sipas Rock, çdo mundësi artistike është unike.
Edhe pse do të vazhdojë të aktrojë dhe të drejtojë filma, nuk do të ketë mundësi të përjetojë përsëri pikërisht të njëjtin projekt.
Për këtë arsye, ai beson se disa vendime të së kaluarës do t’i kishte trajtuar me më shumë seriozitet dhe kujdes. “Misty Green” është një dramë që fokusohet te personazhi i luajtur nga Rosalind Eleazar, një aktore e talentuar, karriera e së cilës ka ngecur pas suksesit të saj të parë në Hollywood.
Burimi origjinal i informacionit: telegrafi .com
