Cara Delevingne ka impresionuar në premierën e filmit “Gentle Monster” në Festivalin e Filmit në Kanë me pamjen e saj elegante dhe të guximshme.
Modelja dhe aktorja britanike ka veshur një fustan të zi dramatik me prerje të theksuara dhe detaje ari, ndërsa flokët i kishte mbledhur në një topuz elegant.
Cara u pa duke ndarë një moment miqësor me regjisorin dhe aktorin Jordan Firstman, i cili e përqafoi dhe e puthi në faqe në tapetin e kuq.
Dyshja do të bashkëpunojnë në filmin Club Kid, debutimi regjisorial i Jordanit, duke treguar miqësi të afërt edhe jashtë xhirimeve.
Më herët gjatë ditës, Cara mori pjesë në një event të organizuar nga Breaking Through The Lens, duke shfaqur një stil krejt ndryshe me xhaketën e zezë lëkure, kravatën dhe syzet dielli.
