Bryan Adams, këngëtari i njohur kanadez, pritet të vijë në Kosovë më 27 qershor për të mbajtur një koncert në Salla 1 Tetori.
Lajmi u bë i ditur me publikimin e datave të turneut të tij, duke përhapur entuziazëm tek fansat vendas.
Biletat për koncertin ende nuk janë në shitje, ndërsa pritet që detajet e tjera do të publikohen në ditët në vijim.
Bryan Adams është një nga emrat më të mëdhenj të muzikës rock dhe pop, me një karrierë të gjatë dhe të suksesshme.
Ai është i njohur për hitet e tij si “Summer of ’69”, “(Everything I Do) I Do It for You” dhe “Heaven”.
Gjatë karrierës së tij, Adams ka shitur miliona albume në të gjithë botën dhe ka fituar shumë çmime prestigjioze, përfshirë çmimet Grammy dhe nominime për Golden Globe dhe Oscar.
