Blero dhe partnerja e tij, Eronita, kanë konfirmuar se janë në pritje të ëmbël, përmes një sërë postimesh në rrjetet sociale. Çifti publikoi disa fotografi të përbashkëta, ku shfaqen pranë njëri-tjetrit, ndërsa vërehet barku i rrumbullakosur i Eronitës.
Përveç lajmit për shtatzëninë, Eronita ka ndarë edhe një detaj tjetër me publikun: gjininë e foshnjës.
Nga postimet e saj në InstaStory është bërë e ditur se ata po presin një djalë.
Dyshja kanë qenë mjaft të komentuar në mediat rozë, ndërsa vetëm pak muaj më parë kurorëzuan dashurinë e tyre me martesë.
Ndërkohë, Eronita ka bashkëbiseduar me ndjekësit në Instagram, duke iu përgjigjur pyetjeve të shumta.
Në komentet e publikuara prej saj, bien në sy edhe komplimentet e shumta që ka marrë nga ndjekësit.
