Deputeti i zgjedhur i Lidhjes Demokratike të Kosovës (LDK), Armend Zemaj, ka deklaruar se partia e tij nuk ka qenë e njoftuar për kërkesën e Lëvizjes Vetëvendosje për shtyrje të procesit të konstituimit të Kuvendit.
Pas ndërprerjes së seancës konstituive, Zemaj kritikoi kryetarin e VV-së, Albin Kurti, duke e akuzuar për shkelje të frymës kushtetuese dhe përdorim të seancës për mesazhe politike. ‘Jo, ne nuk kemi qenë as të njoftuar.
Krejt çka ka rrjedhur e keni parë në seancën kuvendore kur pritej edhe emri dhe nuk ka debat.
Por, ky është Albin Kurti, edhe debatoi, edhe hapi fushatë elektorale, edhe kërkoi kohë shtesë duke menduar që është një dhe mbi Kushtetutën’, deklaroi Zemaj.
Burimi origjinal i informacionit: zeri .info
