Ardian Gjini pranon detyrën si bartës i listës së AAK për zgjedhjet e parakohshme

Kandidati për kryeministër nga Aleanca për Ardhmërinë e Kosovës (AAK), Ardian Gjini, ka pranuar detyrën si bartës i listës së partisë për zgjedhjet e parakohshme më 7 Qershor, duke e cilësuar këtë jo vetëm si një listë kandidatësh, por si një pakt për shtetin, sigurinë dhe dinjitetin e Kosovës.

Gjini përmes një postimi në Facebook, ka falënderuar kryetarin Ramush Haradinaj për besimin e dhënë dhe të gjithë anëtarët e strukturave të partisë për mbështetjen e tyre, duke theksuar se arritja e synimeve të përbashkëta do bëhet vetëm në bashkëpunim me miqtë dhe kolegët që qëndrojnë të palëkundur përballë çdo sfide.