Ardian Gjini: Kosova duhet të dalë nga kurthi serb dhe të mos e ndërlidhë zhvillimin ekonomik me çështjen e Serbisë

Kandidati për kryeministër nga Aleanca, Ardian Gjini, ka thënë se çfarëdo Qeverie në Kosovë, nuk do të mund t’i prishte raportet e popullit me Shtetet e Bashkuara të Amerikës.

Ai theksoi se me praninë e ShBA-së dhe NATO-s, askush nga ushtria serbe nuk do të mund të shkelë në Kosovë, duke shtuar se marrëdhëniet me Serbinë duhet të ndërtohen pavarësisht nga presioni i saj.

Gjini gjithashtu përmendi borxin e Serbisë ndaj Kosovës, duke theksuar se edhe nëse nuk paguhet kurrë, ata kanë një borxh moral dhe fizik ndaj Kosovës që nuk duhet harruar.