Studentët shqiptarë në Maqedoninë e Veriut kanë njoftuar protesta për të mbrojtur gjuhën shqipe dhe të drejtën për provimin në gjuhën e tyre, ndërsa reagimet publike për këtë çështje po rriten.
Ambasadori i Shqipërisë në Shkup, Denion Meidani, ka shprehur mbështetje për ta duke theksuar rëndësinë e identitetit kombëtar përmes gjuhës shqipe.
Ai ka ndarë vargje nga poema “Gjuha Shqype” e Gjergj Fishtës për të theksuar rëndësinë e mbrojtjes së gjuhës shqipe nga të gjithë shqiptarët, pavarësisht dallimeve krahinore apo fetare.
Mesazhi i tij vjen në një moment të ndjeshëm për shqiptarët në Maqedoninë e Veriut, ku debati për përdorimin dhe respektimin e gjuhës shqipe ka shkaktuar reagime të shumta dhe organizim protestash nga studentët shqiptarë në Shkup.
