Ushtruesja e detyrës së presidentes, Albulena Haxhiu, ka mbrojtur emërimin e Kryeprokurorit të ri të Shtetit, Arian Gashi, pas kritikave dhe pretendimeve për afërsi të tij me Lëvizjen Vetëvendosje.
Haxhiu tha se Gashi nuk është emëruar pa përvojë apo jashtë sistemit prokurorial, ndërsa pretendimet për lidhje politike i cilësoi si përpjekje për të dëmtuar procesin e emërimit.
Ushtruesja e detyrës së presidentes tha se nga kryeprokurori i ri pret angazhim maksimal në luftimin e korrupsionit, krimit të organizuar dhe kërcënimeve ndaj sigurisë së vendit.
Burimi origjinal i informacionit: zeri .info
