Kryeministri në detyrë, Albin Kurti, e përfundoi konferencën e sotme për media me një mesazh për gazetarët, pas ofertës që iu bë PDK-së për zgjedhjen e presidentit në këmbim të votave për Ligjin për Dhomat e Specializuara. “Kemi shumë punë tash, po edhe ju mos hupni kohë me mu.
Tash shkoni pyetne kryetarin e PDK-së, Bedri Hamzën.
Gjysmën e Grupit Parlamentar, veç gjysmën, jo krejt.
Krejt edhe më mirë, por veç gjysmën”, tha Kurti.
Kjo deklaratë erdhi pasi Kurti kërkoi nga PDK-ja që të zotohet publikisht se do të sigurojë së paku gjysmën e votave të grupit parlamentar për kandidatin e propozuar për president, Bekim Sejdiu.
Në këmbim, Kurti u zotua se do të procedohet me leximin e dytë të Projektligjit për Dhomat e Specializuara.
Burimi origjinal i informacionit: zeri .info
