Kryeministri në detyrë i Kosovës, Albin Kurti, ka pritur në takim Sekretarin e Përgjithshëm të Organizatës për Siguri dhe Bashkëpunim në Evropë (OSBE), ambasadorin Feridun Sinirlioëlu, me të cilin ka biseduar për bashkëpunimin ndërmjet Kosovës dhe OSBE-së, si dhe zhvillimet në vend e rajon.
Sinirlioëlu e uroi Kurtin për fitoren në zgjedhjet parlamentare të 7 qershorit.
Kurti e falënderoi Sekretarin e Përgjithshëm për vizitën dhe vlerësoi rolin e misionit të OSBE-së në Kosovë në forcimin e institucioneve demokratike, promovimin e të drejtave të njeriut, sundimin e ligjit dhe zhvillimin institucional.
Ai shtoi se Qeveria e Kosovës mbetet e përkushtuar ndaj parimeve të OSBE-së, si demokracia, sundimi i ligjit, respektimi i të drejtave të njeriut, qeverisja e mirë, llogaridhënia dhe bashkëpunimi paqësor.
Kurti foli edhe për zhvillimet ekonomike në vend, duke theksuar rritjen e Bruto Produktit Vendor, të hyrat publike, investimet e huaja direkte dhe borxhet publike të ulëta në Evropë.
Ai gjithashtu përmendi përparimin në sundimin e ligjit, sigurinë publike dhe vlerësimet ndërkombëtare që e rendisin Kosovën ndër vendet më të sigurta në Evropë.
Takimi ishte i dyti mes Kurtit dhe Sinirlioëlu këtë vit, pas asaj të majit në Samitin e Komunitetit Politik Evropian në Jerevan të Armenisë.
Burimi origjinal i informacionit: zeri .info
