Kryeministri në detyrë, Albin Kurti, ka deklaruar se Albulena Haxhiu do të vazhdojë ta ushtrojë detyrën e presidentes së Kosovës, pavarësisht se ka bërë betimin si deputete në legjislaturën e re.
Kurti tha se, njësoj si ai vazhdon të jetë kryeministër në detyrë, edhe Haxhiu do ta ushtrojë funksionin e ushtrueses së detyrës së presidentes, në përputhje me Kushtetutën. “Ashtu qysh vlen për mua si kryeministër në detyrë, njësoj edhe ushtruesja e detyrës së presidentes, Albulena Haxhiu, do ta respektojë në plotni dhe përpikëri kushtetutshmërinë dhe ligjshmërinë.
Nuk kemi president, nuk kemi presidente, por kemi ushtruese të detyrës së presidentes, e kjo është Albulena Haxhiu, dhe ajo do të vazhdojë të jetë e tillë, tamam siç e thotë Kushtetuta”, ka deklaruar Kurti.
Burimi origjinal i informacionit: zeri .info
