Jude Bellingham, 23 vjeç, një nga yjet më të ndritshëm të Real Madridit dhe ekipit kombëtar të Anglisë, ka pranuar se nuk ka aftësi në kuzhinë dhe as në ngasjen e makinës.
Ai thekson se mbështetet në familjen, miqtë, nënën e tij, shefen e kuzhinës dhe pastruesen për t’i kryer punët e përditshme.
Në një intervistë me British Vogue, Bellingham shprehet se ndjehet i pjekur në fushë, por jo po aq në jetën e përditshme. “Nuk di të gatuaj, nuk di të ngas makinën…
Jam i mirë në atë që bëj, por jo shumë gjëra të tjera,” tha ai.
Ai nuk ka patentë shoferi dhe, siç shpjegon, i mbështetet të afërmve dhe miqve, përfshirë nënën e tij, Denise, e cila jeton me të në Madrid.
Përveç kësaj, ai ka një kuzhiniere dhe një pastruese për ta ndihmuar.
Megjithatë, këto mangësi në jetën e përditshme nuk e kanë penguar atë të grumbullojë një koleksion të mahnitshëm makinash luksoze.
Sipas The Sun, Bellingham zotëron shtatë automjete, me një vlerë totale që arrin rreth 1.26 milion euro.
