Esmeralda Hasani do të marrë drejtimin e Shërbimit Informativ të Shtetit, pasardhëse e Vlora Hyseni.
Ajo është juriste me studime në Milano dhe Bruksel, dhe ka një karrierë të pasur në administratën qeveritare, institucionet akademike dhe menaxhimin e projekteve ndërkombëtare.
Esmeralda ka drejtuar institucione kërkimore dhe ka shërbyer si këshilltare dhe shefe kabineti pranë Ministrit të Shtetit për Diasporën, si dhe si konsulente pranë Kryeministrisë.
Para emërimit në krye të SHISH-it, ajo kishte mbajtur një pozicion në Departamentin Mbështetës të këtij institucioni.
Njoftimi i presidencës: Tiranë, më 12 nëntor 2026.
Presidenti i Republikës, Sh.
T.
Z.
Bajram Begaj, në mbështetje të neneve 92, shkronja “f” dhe 93 të Kushtetutës, si dhe të nenit 5, të ligjit nr. 8391, datë 28.10.1998, “Për Shërbimin Informativ të Shtetit”, i ndryshuar, me propozim të Kryeministrit, me dekret nr. 595, datë 12.11.2026, dekretoi sot emërimin e zonjës Esmeralda Hasani në detyrën e Drejtorit të Shërbimit Informativ të Shtetit.
Para dekretimit, janë kryer të gjitha procedurat ligjore të verifikimit si të parashikuara në ligj për rastet e emërimit në detyrë të zyrtarëve në poste të larta.
Burimi origjinal i informacionit: zeri .info
