Ish-banorja e Big Brother VIP Kosova 4, Alba Pollozhani, ka shprehur shqetësimin e saj për situatën mes banoreve Behare Maksutaj dhe Zoja Nushi, duke kritikuar ashpër komentet e Miss-it gjatë një diskutimi me banoren tjetër.
Përmes një postimi në InstaStory, Alba e quajti sjelljen e Behares të papranueshme, duke e akuzuar për gjykimin e moralit të një konkurrente gjatë Prime-it, ndërsa vetë kishte bërë komente fyese ndaj një gruaje tjetër.
Ajo iu referua një komenti të Behares drejtuar Zojës, ku kjo e fundit ishte cilësuar si një femër e konsumuar që nuk mund të gjejë një burrë. “Zarfi i zi për Beharen!
Sapo shajti moralin e një konkurrenti live në Prime,” shkroi fillimisht Alba.
Më pas, ajo e ngriti pyetjen se si Behare, e cila sipas saj e sheh veten si një shembull moral, mund t’i drejtohet në atë mënyrë një gruaje tjetër.
Alba përmendi statusin martesor dhe faktin që Behare është nënë, duke vënë në pikëpyetje nëse këto rrethana i japin asaj të drejtën të gjykojë jetën personale të një gruaje tjetër.
Në reagimin e saj, ajo u ndal veçanërisht te Zoja, duke theksuar se askush nuk e di nëse ajo mund të ketë kaluar përvoja të vështira emocionale apo të ketë plagë që komente të tilla mund t’i prekin. “Po sikur Zoja si femër të jetë e mërzitur dhe mund të ketë plagë në zemër, 35 vjeçe single, dhe kjo po e prek direkt në plagë?” shkroi ajo.
Në fund, Alba theksoi se statusi i të qenit beqare nuk duhet të përdoret si arsye për të ofenduar apo nënçmuar një grua, duke shtuar se edhe një femër mbi 25 apo 30 vjeçe që është beqare mund të ketë pasur histori të dhimbshme në jetën e saj.
Burimi origjinal i informacionit: telegrafi .com
