Ish-banorja e Big Brother VIP Kosova 3, Lela Seferi, ka ndarë mendimet e saj në lidhje me situatat e fundit që kanë përfshirë Jonën, duke publikuar një mesazh personal që kishte marrë nga ajo gjatë kohës që ishin pjesë e këtij formati.
Përmes një postimi në rrjetet sociale, Lela ndau komunikimin e saj me Jonën, ku kjo e fundit shprehte simpatinë dhe mbështetje për të, duke e siguruar se do të mund të ishin shoqe edhe jashtë shtëpisë. “Lelaaaaa, të dua.
Do të bëhemi shoqe edhe në jetën e përditshme, je shumë e mirë!
Mos u shqetëso për askënd”, ka qenë mesazhi.
Duke iu referuar ngjarjeve të fundit dhe sjelljeve të Jonës gjatë Prime-it të javës së kaluar, Lela pranoi se disa nga veprimet e saj nuk i kishin pëlqyer, por theksoi se të dyja vajzat e përfshira në situatat e fundit janë lënduar shumë.
Ajo rikujtoi se mes tyre ka kaluar një dekadë me shumë urrejtje dhe përjetime, por sipas saj, koha kalon dhe njerëzit ndryshojnë.
Lela u shpreh se Jona duhet ta ketë mundësinë ta tregojë rrëfimin e saj dhe se publiku duhet ta njohë atë siç është sot, e jo vetëm përmes veprimeve apo historive të para dhjetë vjetëve.
Burimi origjinal i informacionit: telegrafi .com
