Reperi më i pëlqyer i skenës shqiptare, Ledri Vula, ka ngjallur entuziazëm të madh në rrjetet sociale me një postim intrigues në Instagram, duke paralajmëruar diçka që duket se do të jetë projekti i tij më i fuqishëm i këtij viti.
Në foton që ka bërë xhiron e rrjetit, Ledri shfaqet përkrah emrave të njohur të muzikës shqiptare: Lum B, MC Kresha dhe Adion The Beat.
Postimi mban mbishkrimin:
“Kush o ktu? E mërkurë 19:00”
Ky njoftim ka mjaftuar për të ndezur kureshtjen e fansave, të cilët kanë pushtuar komentet me pyetje dhe teori mbi atë që po përgatitet.
Reperët duken me stil sportiv përpara një perdeje të kuqe, ndërsa atmosfera në foto të jep ndjesinë e një projekti energjik, me ritme të forta dhe bashkëpunim “all-star”, që pritet të lë gjurmë në tregun muzikor shqiptar.
Ndjekësit kanë nisur të spekulojnë nëse bëhet fjalë për një këngë të re, bashkëpunim mes Ledrit dhe Kreshës, apo ndoshta një videoklip surprizë që do të publikohet këtë të mërkurë në orën 19:00.
Një gjë është e sigurt – me një kombinim të tillë emrash të njohur, projekti pritet të jetë bombastik, ndërsa rrjetet sociale tashmë po “ziejnë” nga pritja.
