Kryesia e Kuvendit të Kosovës do të zhvillojë një mbledhje sot në ora 11:00, ku do të shqyrtojë një sërë çështjesh dhe do të propozojë rendin e ditës për seancën e ardhshme plenare.
Një nga pikat kryesore në agjendë është interpelanca me ministrin e Shëndetësisë, Arben Vitia, lidhur me vdekjen e një pacienteje me kancer të gjirit, e cila sipas kërkesës për interpelancë ka mbetur katër muaj pa terapi, si dhe për mungesën e barnave onkologjike.
Gjithashtu, në rendin e ditës është parashikuar edhe një mocion përmbajtjesor që trajton gjendjen në planifikimin, çmimin dhe furnizimin me energji elektrike në Kosovë.
Gjatë mbledhjes, Kryesia do të shqyrtojë gjithashtu procesverbalin e mbledhjes së kaluar dhe disa propozime e kërkesa të tjera.
I.
Miratimi i procesverbalit të mbledhjes së mëparshme të Kryesisë së Kuvendit, II.
Propozimi i rendit të ditës për Seancën plenare të radhës: 1.
Miratimi i procesverbalit nga seanca e mëparshme, 2.
Deklarimet jashtë rendit të ditës, 3.
Pyetjet parlamentare, 4.
Interpelanca me ministrin e Ministrisë së Shëndetësisë, z.
Arben Vitia, në lidhje me vdekjen e pacientes me kancer të gjirit që mbeti katër muaj pa terapi dhe mungesa e barnave onkologjike. 5.
Mocion përmbajtjesor mbi gjendjen në planifikimin, çmimin dhe furnizimin me energji elektrike në Kosovë.
III.
Shqyrtimi i propozimeve dhe i kërkesave.
Burimi origjinal i informacionit: zeri .info
