Këngëtarja shqiptare, Rinesa Qeriqi, e njohur me emrin artistik Rinesancë, ka ndërruar jetë më 23 tetor 2026, në moshën 25-vjeçare, pas një beteje të gjatë me tumor në tru.
Pas ceremonisë përkujtimore që u mbajt në Londër, familja e saj njoftoi për organizimin e varrimit dhe homazheve në Prishtinë.
Nëpërmjet një njoftimi publik, familja Qeriqi bëri të ditur se varrimi do të zhvillohet më 10 nëntor, në orën 14:30, në Varrezat e Prishtinës, në lagjen Arbëri (Dragodan).
Po ashtu, homazhet në nderim të Rinesës do të mbahen më 11 dhe 12 nëntor, nga ora 09:00 deri në 17:00, në Grand Hotel Prishtina.
Familja ka shprehur falënderime të thella për të afërmit, miqtë dhe të gjithë ata që kanë qëndruar pranë tyre gjatë kësaj periudhe të vështirë.
Largimi i parakohshëm i këngëtares në këtë moshë ka prekur thellësisht familjarët, miqtë dhe të gjithë ata që e kanë ndjekur rrugëtimin e saj muzikor.
Burimi origjinal i informacionit: telegrafi .com
