Fansat e Big Brother VIP Kosova kanë arsye për të qenë në pritje! Përmes një postimi në Instagram, Diamant Bajra, i cili është Head of SMM (Social Media Management) në Klan Kosova, ka bërë të ditur se sot do të zbulohet data zyrtare e fillimit të spektaklit më të ndjekur në vend.
Në postimin e tij, Bajra ka ndezur kureshtjen e ndjekësve duke shkruar se “sot zbulojmë se kur nis aventura më e madhe televizive e vitit”, duke lënë të kuptohet se ekipi i produksionit është gati për një sezon të ri plot surpriza.
Edhe pse spektakli ende nuk ka filluar, pritshmëritë janë të larta. Publiku tashmë po përpiqet të zbulojë se cilët personazhe do të hyjnë këtë vit në shtëpi, ndërsa rrjetet sociale janë mbushur me komente dhe teori rreth konkurrentëve të mundshëm.
Ky do të jetë sezoni i tretë i Big Brother VIP Kosova, dhe sipas burimeve nga Klan Kosova, ai pritet të sjellë formate të reja, skenografi madhështore dhe surpriza që do të mbajnë publikun të ngjitur pas ekranit.
