Modelja dhe influencuesja Afrona Dika, e njohur për lidhjen e dikurshme me këngëtarin Blero Muharremi, ka bërë publike se është fejuar.
Lajmi u prit me shumë reagime në rrjetet sociale, por duket se Blero nuk ka treguar asnjë interes për këtë zhvillim. Në vend të kësaj, ai ka qenë aktiv në profilin e tij duke ndarë postime me thirrje për votime në raundin e balotazhit të zgjedhjeve lokale, pa përmendur aspak temën që po qarkullon në media.
Burime pranë këngëtarit thonë se Blero aktualisht po shijon lidhjen me partneren e tij të re dhe ka zgjedhur të qëndrojë i qetë ndaj lajmeve që lidhen me ish-bashkëshorten.
Ndërkohë, Afrona është shprehur e lumtur për këtë hap të ri në jetën e saj dhe ka ndarë me ndjekësit disa detaje për planet e së ardhmes. Ajo ka lënë të kuptohet se dasma do të vijë shumë shpejt, ndërsa ka pranuar se dëshira për të krijuar një familje është tashmë pjesë e planeve të saj të afërta.
