Zinedine Zidane ka shpallur listën e dytë të futbollistëve të ftuar për Përfaqësuesen e Francës, para dy ndeshjeve të rëndësishme ndaj Italisë dhe Turqisë në Ligën e Kombeve.
Përzgjedhësi francez ka pasur disa dilema në përpilimin e listës, për shkak të lëndimeve të shumta që kanë prekur ekipin, ndërsa Dayot Upamecano do të mungojë në udhëtimin drejt Italisë për shkak të suspendimit.
William Saliba, Jules Kounde, Maxence Lacroix, Manu Kone, Ousmane Dembele dhe Esteban Lepaul janë disa nga emrat që nuk do të jenë në dispozicion për këtë grumbullim.
Megjithatë, vëmendjen më të madhe e ka tërhequr një emër i ri në listë.
Sulmuesi Pablo Pagis ka marrë ftesën e parë në ekipin e parë të Francës, duke u shndërruar në surprizën kryesore të përzgjedhjes së Zidane.
Në listë rikthehet edhe Aurelien Tchouameni, ndërsa Malo Gusto është përfshirë për të mbuluar mungesën e Koundes.
Ftesa kanë marrë gjithashtu Andy Diouf, Jeremy Jacquet dhe Lucas Da Cunha.
Në repartin ofensiv, Zidane do të mbështetet te Kylian Mbappe dhe Michael Olise, ndërsa do të ketë në dispozicion edhe Bradley Barcola, Desire Doue dhe Marcus Thuram, i cili rikthehet në kombëtare.
Franca kryeson grupin me 10 pikë, e ndjekur nga Italia me shtatë dhe Belgjika me gjashtë, ndërsa Turqia është e fundit pa pikë.
Franca fillimisht do të udhëtojë në Milano për t’u përballur me Italinë më 12 nëntor, kurse më 15 nëntor do ta presë Turqinë.
Një barazim në ndeshjen ndaj italianëve do të mjaftonte për t’ia siguruar Francës kualifikimin në çerekfinale.
Portierë: Mike Maignan, Guillaume Restes, Robin Risser.
Mbrojtës: Andy Diouf, Malo Gusto, Jeremy Jacquet, Pierre Kalulu, Ibrahima Konate, Adrien Truffert, Dayot Upamecano, Leny Yoro.
Mesfushorë: Eduardo Camavinga, Rayan Cherki, Lucas Da Cunha, Adrien Rabiot, Aurelien Tchouameni, Warren Zaire-Emery.
Sulmues: Bradley Barcola, Desire Doue, Kylian Mbappe, Michael Olise, Pablo Pagis, Marcus Thuram.
