Kombëtarja e Kosovës në futsall u mposht me rezultatin 4-3 nga Italia në një ndeshje dramatike që u zhvillua në Pallatin e Rinisë dhe Sportit në Prishtinë. “Dardanët” treguan një përballje të fortë, por nuk arritën të shmangin humbjen në ndeshjen e dytë të Grupit 10 të raundit kryesor kualifikues për Kupën e Botës 2028.
Ramadan Alaj ishte më efikasi për Kosovën me dy gola, ndërsa një tjetër realizim e shënoi Fitim Krasniqi.
Nga ana tjetër, për italianët shënuan Michele Podda, Giovanni Pulvirenti, Carmelo Musumeci dhe Giuliano Fortini.
Pas fitores ndaj Gjeorgjisë në ndeshjen e parë, Kosova mbetet me tri pikë në vendin e dytë, ndërsa Italia kryeson grupin me gjashtë.
