Lionel Messi ka marrë një vendim përfundimtar për të ardhmen e tij në futboll, pas shumë spekulimeve për një rikthim në Argjentinë.
Pavarësisht lidhjes së ngushtë me klubin e fëmijërisë, legjenda argjentinase është plotësisht e përkushtuar ndaj projektit të tij aktual në MLS.
Messi nuk planifikon të largohet nga Inter Miami për një huazim në Argjentinë gjatë dimrit, duke i dhënë fund thashethemeve për një rikthim të përkohshëm në Amerikën e Jugut.
Pas raportimeve që e lidhin 39-vjeçarin me një transferim në janar te klubi i fëmijërisë, Neëell’s Old Boys, eksperti i transferimeve Fabrizio Romano ka konfirmuar se nuk ka negociata aktive për një marrëveshje të tillë. “Nuk ka asnjë mundësi që Messi të largohet në huazim”, ka deklaruar gazetari i njohur italian.
Ai theksoi se fituesi i tetë Topave të Artë është i vendosur ta respektojë plotësisht kontratën aktuale, e cila është e vlefshme deri në dhjetor të vitit 2028.
Madje, burime pranë klubit sugjerojnë se ylli argjentinas është i hapur për mundësinë e vazhdimit të kontratës me Inter Miamin, kur të vijë momenti i duhur.
Ndërkohë, spekulimet për një ribashkim të mundshëm mes Messit dhe Neymarit po shtohen, pasi e ardhmja e brazilianit te Santos mbetet e pasigurt. 34-vjeçari po i afrohet fundit të kontratës, duke nxitur zërat se Inter Miami mund të shfrytëzojë afatet e ardhshme për përputhjen me rregullat e skuadrës, për ta transferuar atë në MLS.
