Thomas Markle Jr., vëllai i Meghan Markle, është vënë në qendër të hetimeve në Filipine për një rast të dyshuar të pornografisë me fëmijë.
Dëshmitarët kanë raportuar se në shtëpinë e tij dërgoheshin vajza të mitura, ndërsa autoritetet po shqyrtojnë mundësinë e përfshirjes së tij në këtë situatë.
Ministri i Brendshëm i Filipineve, Juanito Victor Remulla, ka bërë të ditur se Thomas Markle Jr. konsiderohet si person me interes për hetimin, megjithatë, deri më tani, ai nuk është shpallur zyrtarisht i dyshuar. “Ekzistojnë indicie se edhe djali mund të jetë i përfshirë në veprën penale.
Por, për momentin, ai është vetëm person me interes dhe ende nuk trajtohet si i dyshuar”, ka thënë Remulla gjatë një konference për media në Manila.
Sipas tij, dëshmitarët kanë informuar policinë se në shtëpinë e 60-vjeçarit në Filipine dërgoheshin vajza të mitura.
Burimi origjinal i informacionit: telegrafi .com
