Deputeti i Aleancës, Ramush Haradinaj, ka shprehur shqetësimin e tij lidhur me proceset qeverisëse në Kosovë, duke theksuar se ato janë në ngecje.
Para fillimit të seancës së Kuvendit, ai kërkoi një analizë të mirëfilltë të raportit të Bashkimit Evropian.
Duke folur në hollin e Kuvendit të Kosovës për Raportin e Progresit, Haradinaj theksoi se situata aktuale është alarmante, sidomos në lidhje me integrimin evropian dhe euroatlantik. “Diçka që veç e dimë.
Ne që jetojmë e dimë se krejt proceset qeverisëse janë në ngecje.
Duhet me i bërë një analizë të mirëfilltë të gjitha këtyre ngecjeve dhe proceseve që merren me integrimin evropian dhe euroatlantik, pasi nuk janë mirë”, deklaroi Haradinaj.
Raporti i Progresit i Komisionit Evropian për vitin 2026, i publikuar më 4 nëntor, ofron një vlerësim të gjendjes së reformave dhe zhvillimeve politike dhe institucionale në Kosovë, brenda kuadrit të procesit të integrimit evropian.
Burimi origjinal i informacionit: zeri .info
