Katër cisterna nafte janë shkatërruar pasi goditën mina detare në Ngushticën e Hormuzit, ka njoftuar Garda Revolucionare e Iranit (IRGC) të mërkurën.
Kjo ndodhi një ditë pas deklaratave nga zyrtarët amerikanë që njoftuan se ushtria e SHBA-së kishte kryer sulme ndaj disa objekteve në këtë vend.
Sipas agjencisë gjysmëzyrtare iraniane Tasnim, IRGC-ja ka bërë të ditur se dy nga cisternat vazhdonin të digjeshin, ndërsa dy të tjera ishin sekuestruar.
Sipas pretendimeve të IRGC-së, anijet po përpiqeshin të kalonin përmes një korridori jugor të ndaluar në ngushticë.
BBC-ja ka theksuar se nuk ka mundur t’i verifikojë në mënyrë të pavarur këto pretendime.
Përveç kësaj, Garda Revolucionare raportoi se tri cisterna ishin shkatërruar pasi goditën mina në orët e para të së martës, si dhe se kishte rrëzuar një dron amerikan MQ-9 mbi Ngushticën e Hormuzit.
