Kombëtarja e Shqipërisë ka vendosur të përqendrohet në afrimin e dy lojtarëve të rinj që po shkëlqejnë në Zvicër, Lutfi Dalipi nga Vaduz dhe Samuel Krasniqi nga Grasshoppers.
Federata Shqiptare e Futbollit, përmes presidentit Armand Duka dhe përzgjedhësit Ronaldo Maran, ishte e pranishme në ndeshjen e barazimit mes Grasshoppersit dhe Vaduzit (2-2).
Në këtë përballje, të dy lojtarët e treguan veten me paraqitje solide. “Blick” ka alarmuar Federatën Zvicerane për të reaguar ndaj interesimit të FSHF-së. “Ka pasur disa mysafirë të veçantë mes tifozëve.
Një delegacion nga Federata Shqiptare e Futbollit ishte i pranishëm për të parë dyshen, Samuel Krasniqi dhe Lutfi Dalipi.
Të dy lojtarët kanë qenë pjesë e Zvicrës U21 gjatë pushimit të fundit ndërkombëtar.” Po ashtu, dy trajnerët e klubeve shprehën befasinë e tyre për këtë pjesëmarrje dhe kërkuan që të mbrohen lojtarët. “Problemi është se askush s’e njihte Lutfin në verë dhe tani ka shumë zhurmë.
Nuk është e lehtë për të, mund ta shihni.
Duhet ta mbrojmë”, tha trajneri i Vaduzit, Marc Schneider.
Ndërsa trajneri i Grasshoppers, Olaf Janssen, u shpreh se është i bindur që Krasniqi do ta ruajë qëndrim. “Secili futbollist e ëndërron kombëtaren nga mosha e re.
Të shohim nëse sjellja e lojtarëve do të ndryshojë ose të qëndrojë e njëjta.
Po provoj që t’ia largojë presionin.
Ai ka nevojë për mbështetjen time dhe të ekipit.”
