Beyonce dhe Jay-Z kanë bërë një paraqitje të veçantë publike së bashku në Las Vegas, ku festuan 20-vjetorin e markës së shampanjës së reperit, Ace of Spades, e njohur zyrtarisht si Armand de Brignac.
Këngëtarja 45-vjeçare u shfaq me një fustan të gjelbër me dantellë dhe pupla, të kombinuar me një çantë rozë me shkëlqim dhe vathë të mëdhenj argjendi.
Ajo i kishte stiluar flokët në valë të buta, ndërsa Jay-Z zgjodhi një veshje tërësisht të zezë, të kompletuar me një zinxhir diamantesh. Çifti u fotografua dorë për dore teksa drejtohej drejt klubit të natës Omnia, pas mbrëmjes kushtuar markës së shampanjës.
Paraqitja e tyre erdhi disa ditë pasi vajza e tyre, Blue Ivy, 14 vjeçe, u ngjit papritur në skenë gjatë koncertit të Jay-Z në Los Angeles, ku e shoqëroi të atin duke luajtur në tastierë gjatë interpretimit të dy këngëve të tij.
Beyonce ishte gjithashtu e pranishme në koncert, në një suitë VIP, ku u pa duke kënduar dhe duke u shoqëruar me ish-anëtaret e grupit Destiny’s Child, Kelly Rowland dhe Michelle Williams.
Burimi origjinal i informacionit: telegrafi .com
