Liderët evropianë u mblodhën këtë javë në Bruksel për të biseduar rreth zgjerimit të Bashkimit Evropian, një proces që ka lënë Ballkanin Perëndimor për një kohë të gjatë në pritje për një perspektivë të qartë anëtarësimi.
Shqipëria, në vitet e fundit, ka arritur të mbyllë shumë kapituj të procesit të saj të aderimit dhe është afër kalimit të standardit të rëndësishëm të BE-së për shtetin e së drejtës, IBAR-it.
Mario Bikarski, analist i lartë në kompaninë e inteligjencës së rrezikut Verisk Maplecroft, theksoi se, ndonëse protestat janë sfida më e madhe që kryeministri Rama ka përballuar gjatë 13 viteve të tij në pushtet, ato nuk pritet të ndikojnë në pozitën e tij si kryeministër apo të pengojnë kandidimin e Shqipërisë për në BE. “Në Shqipëri ka një konsensus të fortë se anëtarësimi në BE është pozitiv dhe i mirëpritur,” u shpreh ai, duke shtuar se kryeministri mund të jetë i detyruar të bëjë disa lëshime ndaj protestuesve, siç është heqja dorë nga planet shumëmiliardëshe për zhvillimin bregdetar. “Në të kaluarën, Rama ka treguar një rezistencë të jashtëzakonshme ndaj sfidave të ndryshme,” theksoi ai. “Opozita është po aq e pabesuar nga protestuesit dhe është e vështirë të shihet një alternativë ndaj një qeverie Rama tani për tani.” Burimi origjinal i informacionit: zeri .info
